Ný mynd Eldfjallasafns

Nýlega eignaðist Eldfjallasafn þessa mynd af Heklugosinu 1947 eftir Jóhannes S. Frímannsson (1919-1997).  Hann var þekktur frístundamálari eða alþýðumálari á tuttugustu öldinni og málaði mikinn fjölda landslagsmynda, sem ef til vill mætti kalla kitsch.  Hann minnir mig því á Eyjólf Eyfells, sem einnig málaði  þetta Heklugos. 

Það munaði litlu að eitt verk Jóhannesar Frímannsonar væri selt sem verk sjálfs meistarans Jóhannesar S. Kjarval.  Árið 2001 var Íslenskt olíumálverk á uppboði á eBay og talið vera eftir  Jóhannes S. Kjarval.   Innan skamms var tilboð í myndina komin upp í $9,100.  En þá stigu sérfræðingar fram á völlinn og skáru úr um að verkið væri eftir Jóhannes S. Frímannsson.  Sennilega er þessi Heklumynd máluð við Rangá, en hrossin hafa greinilega engan áhuga á gosinu. 

Athugasemdir

[Ólafur Jóhannsson (IP-tala skráð) 1.11.2014 kl. 17:56]

Sæll Haraldur og þakka þér fyrir greinargóð skrif um Bárðarbungubröltið.

Mig langaði að biðja þig til að birta skýringarmynd (þversnið) af því sem er að gerast í Bárðarbungu. Með einfaldaðri skýringarmynd er miklu auðveldara fyrir okkur leikmenn að átta okkur á hinum ýmsu þáttum í ferlinu T.d. hversu stór og efnismikil er bullan sem er að síga í öskjunni. Hvað er djúpt niður á kvikuhólfið sem fóðrar kvikuganginn. Hversu mikið magn af kviku gæti verið í ganginum. Og svo frv.

Með bestu kveðju.

Ólafur Jóhannsson.