Óvissustig

Lýst hefur verið óvissustigi umhverfis Mýrdalsjökul vegna vatnavaxta og brennisteinsfýlu í Múlakvísl.  Það er gott og blessað og allur er varinn góður varðandi Kötlu.  En glöggur lesandi hefur bent mér á, að Almannavarnir gefa út tilkynningar öðru hvoru um óvissustig, en aldrei er tilkynnt þegar óvissustigi lýkur.  Það virðist bara fjara út og gleymast.  Væri ekki rétt að gefa í skyn þegar mesta hættan eða óvissan er liðin hjá?

Athugasemdir

[Björn (IP-tala skráð) 10.7.2014 kl. 15:56]

Sæll Haraldur,

Almannavarnastigum er alltaf aflýst með formlegum leiðum. Hér má sjá allar tilkynningar frá almannavörnum, þar á meðal aflýsingar almannavarnastiga:

http://almannavarnir.is/displayer.asp?cat_id=8 

[Þórir Kjartansson, 10.7.2014 kl. 21:51]

Held nú kannski Haraldur að frekar mætti benda á fjölmiðlana. Þeir hafa nærri því verið að ganga af hjörunum út af þessum vatnavöxtum, sem eru nú ekkert meiri en oft hefur sést, þó skjálftavirknin í jöklinum sé kannski með meira móti.  Á hins vegar ekki von á að það verði stórar fyrirsagnirnar í blöðunum þegar þetta tekur enda.

[Haraldur Sigurðsson, 11.7.2014 kl. 19:49]

Björn: Það er gott að heyra að aflýsing er gerð samkvæmt gögnum, sem berast frá vöktun eldfjallsins.

Haraldur