Macron á leik í loftslagsmálum

Hann Emmanuel Macron Frakklandsforseti er klókur maður.   Nú er hann búinn að taka slagorð Trump´s (Make America Great Again!) og snúa því á alla jörðina: Make Our Planet Great Again! Hann hefur sett á laggirnar stórt rannsóknaverkefni fyrir €60 milljón, til að rannsaka loftslagsbreytingar og áhrif þeirra. Verkefnið er einkum mótað til að draga að sér erlenda vísindamenn í loftslagsfræðum, einkum frá Bandaríkjunum með ríflegum (allt að €1.5 milljón) fjögurra ára styrkjum. Umsóknirnar streyma inn og hundruðir hafa þegar sótt um, aðallega frá Bandaríkjunum, þar sem óstjórn Trumps er að draga úr öllum vísindarannsóknum.  Þýskaland er að undirbúa svipaða herferð og er hætt við því að nú flytjist mikill fjöldi loftslagsfræðinga á brott frá Bandaríkjunum, þar sem ótrúleg þröngsýni og skammsýni ríkir.

 

 

 

 

Athugasemdir

[Valdimar Samúelsson, 19.7.2017 kl. 10:15]

Sæll Haraldur þú ert þú ekki að taka undur að þessar loftslagsbreytingar geri okkur einhvað eða einhvern skandala. Tökum t.d. ísfleka sem losnaði frá fleka hafísnum við suðurheimskautið. Fólk og jafnvel AlGore segir að sjórinn muni hækka þegar hann bráðnar. Hvernig getur það verið en það er annað ef land ís bráðnar.

Þú sýndir um daginn að mikill hiti væri undir Grænlands jökli sem sjálfsagt bræðir ísinn einhvað en bráðnar ísinn í hæðum þar sem frost er. Mig minnir að við hverja 1000 metra kólni loftið um 10 gráðu á C.

Maður heyrir svo gígantískar tölur sem eitt eldgos sendir upp af Co2 og allskonar efnum og það sé ávið mengun frá smábílum sem allir ráðart á.

Þetta eru bara þankar mínir og segjum bara að mannskepnan geti staðið sig þá er það ekki nema brotabrot af nattúrulegri mengun ef það er þá hægt að kalla náttúruleg efni mengun. Spurning.                                               

[Gunnar Rögnvaldsson, 19.7.2017 kl. 14:27]

Það er aðeins ofur eðlislegt að Macron snúi sér að því að "gera plánetuna mikilfenglega á ný", þar sem hvorki hann né enginn annar í Evrópusambandinu hefur lengur getu til að gera einu sinni næstu götu við sig mikilfenglega á ný. Þá snýr maður sér auðvitað að veröldinni allri. Ekki satt.

Sem sagt, plánetan var þá áður mikilfengleg. Hvers vegna skyldi hún nú hafa verið það. Og hverjum skyldi það nú vera að þakka? Frakklandi? Þýskalandi? Nei, varla.

Ég vona sannarlega að svo kallaðir lofslags-vísindamenn flytji frá Bandaríkjunum til Evrópusambandsins, því þar eiga þeir heima. Mikilfenglegir á ný. Þar er alls svo vísindalegt ekki satt.

Kveðjur