Íslenska möttulblómið

Ísland er heitur reitur í jarðsögunni, eins og Hawaíí og Galapagos og nokkrir aðrir merkir staðir með mikla eldvirkni. Undir heita reitnum á Íslandi liggur sennilega möttulstrókur af óvenju heitu möttulbergi, sem kann að ná niður alla leið að mörkum kjarnans og möttuls (2900 km). Möttulstrókurinn hefur oftast verið teiknaður upp sem súla, en sennilega er hann miklu flóknari í laginu, einkum efsti hlutinn. Nú hafa Schoonman og White og birt nýtt líkan af íslenska möttulstróknum, sem er mun flóknara en fyrri líkön, en það er byggt á aðferð sem notar jarðskjálftabylgjur til að gegnumlýsa jörðina. Mötulstrókurinn virðist vera um 100 km í þvermál neðarlega í möttlinum, en breiðist út eins og krónublöð blómsins og skiftist í fimm fingur þegar hann nálgast efri mörk möttulsins. Minnumst þess að bergið í möttulstróknum er mjög heitt, en heilt og óbráðið vegna mikils þrýstings í möttlinum, en bráðnunin gerist tiltölulega nærri yfirborði jarðar.

Athugasemdir

[Kristján Einar Gíslason (IP-tala skráð) 2.5.2017 kl. 19:26]

Er þá vitað hvort einhver afleggjara möttulstróksins nái undir Snæfellsnes?

[Haraldur Sigurðsson, 3.5.2017 kl. 08:19]

Þetta er gott hjá þér! Alveg það sama sem mér datt í hug.

Gæti verið skýring á uppruna Snæfellsnes gosbeltisins.

[kristinn geir steindórsson briem (IP-tala skráð) 7.5.2017 kl. 23:28]

ahugavert en kemur kanski ekki á óvart. jarðfræði er frekar ung fræðigrein. gætum við enda lígt og mars. eflaust þarf lítið tul að alt verði vitlaust á jörðinni en sá tímmi virðist ekki vera komin enn. miða við öll mælitækin sem eru á íslenskum fjöllum þarf bar eitt í verju til að kortleggja þau nokkuð vel. og er það gott.