Ný Náttúruverndarlög eru mikil afturför

Eitt af höfuðeinkennum íslenskrar hefðar í sambandi við ferðalög er sá almannaréttur, sem ætið hefur ríkt varðandi rétt til ferðar og dvalar á annara manna landi. Almannaréttur þessi er til dæmis varðveittur í Jónsbók frá 1281 og ætið síðan, til dæmis í náttúrverndarlögum frá 1999.   Nú hafa ný náttúruverndarlög verið samþykkt á Alþingi, sem fjarlægja þennan mikilvæga rétt. Nú er landeigendum í lögunum veitt heimild til að banna umferð um óræktað land án þess að þurfa að rökstyðja slíkt bann. Þannig getur landeigandi nú takmarkað eða bannað með merkingum umferð manna og dvöl á afgirtu óræktuðu landi. Það er reyndar óskiljanlegt að ekki hefur verið meira fjallað um þetta atriði, sem er mikil afturför í ferðahefð í Íslenskri menningu.

Athugasemdir

[Jón Valur Jensson, 14.11.2015 kl. 02:42]

Tek hjartanlega undir með þér, Haraldur.

Þetta er ekkert minna en hneyksli og vanvirða við einhver elztu og beztu lög okkar.

[kristinn geir steindórsson briem (IP-tala skráð) 14.11.2015 kl. 08:38]

er búið að fullgilda lögin.?. það eru nú mest reykvíkíngar sem setja hömlur á fólk om éið og þeir kaupa jarðir

[Torfi Stefánsson (IP-tala skráð) 14.11.2015 kl. 10:47]

Hefur ekki alltaf þurft leyfi landeigenda til að ferðast um afgirt land þeirra, ræktað eða óræktað? Það er amk sjálfsögð kurteisi að spyrja um slíkt leyfi og hlíta neitun ef því er að skipta.
Almenningur þýðir afréttur á íslensku máli, tel ég víst. Þar er öllum heimilt að ferðast þótt landið sé í einkaeign.
Síðan hafa auðvitað óbyggðalögin komið til sem takmarkar mjög einkarétt einstaklinga á landi í óbyggðum og tryggir þannig almannarétt.

[Jón Valur Jensson, 14.11.2015 kl. 12:23]

Nei, Torfi, það hefur alltaf verið heimilt að fara fótgangandi um allar jarðir bænda og að tína ber upp í sig líka! Lögin gömlu varða alls ekki einungis almenninga.

Alþingismenn með réttlætiskennd ættu að lagfæra þetta atriði í nýrri lagasetningu, áður en hún verður að fullu tkin í gildi. Ef það er of seint, ætti forsetinn að skjóta þessu grundvallarmáli undir dóm kjósenda.

[Haraldur Rafn Ingvason, 20.11.2015 kl. 16:25]

Berið saman 14 grein þessara laga http://www.althingi.is/lagas/140a/1999044.html

við 18 grein þeirra laga sem til stóð að samþykkja http://www.althingi.is/altext/stjt/2013.060.html

við 6. grein þess sem samþykkt var http://www.althingi.is/altext/145/s/0432.html

Segið mér svo hvað breyttist.