Sambandslaust við Bárðarbungu

Það gerðist um kl. rúmlega sex í gærmorgun.  GPS mælirinn, sem situr á miðri íshellunni yfir Bárðarbungu hætti að senda, eins og sjá má á myndinni til vinstri.  Við skulum vona að hann komist aftur í gang sem fyrst, því án hanns vitum við ekkert um sigið í öskjunni.  Myndin sýnir að það var töluverður órói á GPS mælinum áður en hann hætti að senda.  Enginn veit hvaða sögu hann hefur að geyma.

Athugasemdir

[Hrólfur Þ Hraundal, 12.10.2014 kl. 14:37]

Gæti þessi þöggun stafað af snjóhruni úr börmum öskjunnar ?  Þetta er eins og að missa tölvuna í rafmagnsleysi, ekkert hægt að gera og andinn myrkvaður. 

Þakka þér Haraldur, áræði við að setja fram hugmyndir og spá samkvæmt þeim.  Það er skemmtilegt.      

[Haraldur Sigurðsson, 12.10.2014 kl. 15:04]

Mér skilst að bilunin sé vegna rafmagnsleysis í sendinum, sem er í Kverkfjöllum.

[Benedikt G. Ófeigsson (IP-tala skráð) 12.10.2014 kl. 15:17]

Jú passar rafmagnsleysi í Kverkfjöllum. Kemst vonandi í lag í dag eða á morgunn.

 Annars má má búast við að það verði mjög erfit að halda þessu við þarna í allan vetur. Erfiðari staður fyrir svona rekstur fyrirfinnst varla.

En við ættlum að reyna.  Samtstillt átak HÍ, VÍ, LHG og Almannavarna fer vonandi langt með að halda þessu  í samflelldum rekstri. nema kanski yfir allra erfiðasta tímabilið. En þetta fer allt eftir veðri og aðstæðum á svæðinu. það er allavega alls ekki sjálfgefið að halda þessu  gangandi í vetur 

 kv

Benni VÍ. 

[Haraldur Sigurðsson, 12.10.2014 kl. 17:08]

Benni:  Takk fyrir þetta.  Við kunnum vel að meta ykkar verk við að halda tækjakerfinu gangandi.

[Jón Steinar Ragnarsson, 12.10.2014 kl. 20:40]

Hvað er sigið orðið mikið frá því þetta byrjaði? Er einhverja slóð að finna þar sem hægt er að fylgjast með þessu?

[Haraldur Sigurðsson, 12.10.2014 kl. 21:29]

Sjá frekar hér

http://www.vedur.is/photos/volcanoes/barc_gps_all_is.png

[Haraldur Sigurðsson, 13.10.2014 kl. 18:51]

Samband er nú komið á aftur við Bárðarbungu og sigið virðist halda áfram á svipuðum hraða og áður.