Hafísinn í haust

Fjölmiðlar greina frá því að hafísþekjan á norðurhveli sé að stækka. Fréttin er því miður ekki sett fram í samhengi við sögulegan raunveruleika, heldur einblínir fréttin á eitt ár.  Myndin til vinstri er línurit frá gervihnetti  NSIDC. Það sýnir  flatarmál hafísbreiðunnar á norðurhveli í ágústmánuði ár hvert, i  milljónum ferkílómetra.  Gögnin ná aftur til ársins 1979, en þá var hafísþekjan um 8,5 milljón ferkílómetrar. Nú er hún komin niður í um 5,5 til 6 milljón ferkílómetra.  Hafísbreiðan er yfirleitt í lágmarki í lok ágúst.  Það er ljóst að töluverðar sveiflur koma fram ár frá ári, en það er einnig öllum ljóst, að þegar á heildina er litið, þá minnkar hafísbreiðan hratt. 

Athugasemdir

[Torfi Stefánsson (IP-tala skráð) 7.9.2014 kl. 15:35]

Þetta kemur reyndar fram í fréttinni, þ.e. að ef til lengri tíma er litið þá sé hafísinn að minnka. En tvö síðustu ár, ekki eitt, hefur hann aukist aftur sem gæti þýtt að þróunin sé að snúast við.

[Snorri Hansson, 8.9.2014 kl. 01:24]

Afar góðar upplýsingar.