Gosið í toppgíg Eyjafjallajökuls heldur áfram

Er það ekki furðulegt að engir jarðskjálftar hafa verið mældir síðan kl. 9 í morgun?  Hins vegar er órói á jarðskjálftamælum mjög mikill.  Til samanburðar var órói í gosinu á Fimmvörðuhálsi mestur um 1000 stig á mælinum á Goðabungu, en er nú um 2500 stig í gosinu sem er nýbyrjað í toppgíg Eyjafjallajökuls.  Mynd dagsins er frá því þegar hlaupvatn eða aur braust út undan Gígjökli, dökkbrúnt, leðjukennt og af svo miklum krafti að úði myndaðist. 

Athugasemdir

[Vigfús Eyjólfsson (IP-tala skráð) 14.4.2010 kl. 22:34]

Hér er lýsingin af Gjálpargosinu. http://hraun.vedur.is/ja/viku/1996/vika_40/index.html#mark

Miðað við hana hefur kvikan átt greiða leið  upp á yfirborðið frá því kl 9 í morgun.

[Kjarri (IP-tala skráð) 15.4.2010 kl. 04:37]

Mjög áhugavert blogg. Er að koma inn á bloggið þitt öðru sinni og sem leikmanni er þetta áhugavert. 

Ákvað að setja tengil inn á bloggið hjá þér inn á heimasíðuna mína (ósköp lítil síða reyndar...  en ágætt þá fyrir sjálfan mig að vita af þessum tengli þar).

síðan mín er  

[Kjarri (IP-tala skráð) 15.4.2010 kl. 04:40]

Hér er síðan mín (einhvernvegin tókst mér að klúðra að setja tengilin þarna inn)

http://www.thaiiceland.com/ 

[HelgaS (IP-tala skráð) 15.4.2010 kl. 17:12]

Sæll

Var að velta því fyrir mér, þegar askan berst yfir höfuðborgarsvæðið og nágr. eru vatnsbólin í Heiðmörk í hættu, gæti askan haft áhrif  á grunnvatnið, og lífríkið 

[Haraldur Sigurðsson, 15.4.2010 kl. 23:39]

Nei, ég held að öskufall í Heiðmörk  muni ekki hafa nein teljanleg áhrif á vatnsveitiur Reykjavíkur. Vatnið sem berst til Reykjavíkur er grunnvatn úr lindum sem koma undan hrauni. Hraunið er frábær sía ða ösku og önnur efni.   Hins vegar myndi öskufall yfir Reykjavík vera mjög óþægilegt í augu og andfæri borgara, og smjúga ínn í húsakynni.  Askan er ótrúlega fíngerð og er eiginlega líkari rkyi en sandi.