Grænlandsjökull þar sem "mökkurinn" sást

Þannig lítur yfirborð Grænlandsjökuls út á svæðinu þar sem furðulegur “mökkur” sást á yfirborði jökulsins í flugi í lok april og aftur hinn 11. júlí í ár. Þessi loftmynd er frá Google Earth af svæðinu. Staðsetningin á þessu svæði er lauslega 66.29° N og 38.85° W, um 80 km fyrir vestan Kulusuk. Takið eftir hvað jökullinn er mikið sprunginn á þessu svæði, en sprungur hafa flestar austur-vestur stefnu. Svarti bletturinn efst til hægri kann að vera stöðuvatn á yfirborði jökulsins. Þvermál myndarinnar er um 10 km.

 

 

Athugasemdir

[Vilhjálmur Örn Vilhjálmsson, 20.7.2017 kl. 08:33]

200 metra langt "stöðuvatn" á ís? Væri ekki vert að biðja um nákvæmari gervitunglamyndir?

þessar heilmiklu ójöfnur benda vart til þess að þarna sé djúpt niður á berg.

Ég ræddi við forstöðumann GEUS, Signe Bech Andersen, í Kaupmannahöfn um daginn. Hún kannaðist ekki við fyrirbærið og hafði ekki heyrt af því eða leiðangri á svæðið.

Þetta er augljóslega gáta sem VERÐUR að leysa.

[Valdimar Samúelsson, 20.7.2017 kl. 09:21]

Haraldur er ekki eðlilegasta skýringin einhvað mega gos svæði þarna undir. 

[Marinó Már Marinósson, 20.7.2017 kl. 16:31]

Brúni liturinn á myndinni er líka áhugaverður en það gæti verið önnur skýring.   Ég skoðaði þetta ljósmyndasvæði með stórum skjá og þá virtist sem þessi búni litur væri bara á þessu svæði út frá sprungum hægra megin á myndinni, efst.  En liturinn á þessari mynd er grænni en annarsstaðar á kortavefnum.  En þetta er mjög áhugavert.