Eldgos um heim allan

Smithsonian stofnunin í Washington DC hefur lengi fylgst með eldgosum um heim allan og gefið út árlega skýrslur um virkni þeirra. Nú hefur Smithsonian gert þetta efni vel aðgengilegt á vef sínum sem “app”, sem spilar öll eldgos frá 1960 til okkar daga. Appið er hér:   http://volcano.si.axismaps.io/

Þar eru einnig sýndir jarðskjálftar og útlosun brennisteins. Takið eftir að virknin er miklu meiri í sigbeltum á jöðrum meginlandanna heldur en á úthafshryggum. En auðvitað fara flest eldgos á hafsbotni framhjá okkur þar sem engin tækni er enn þróuð til að skrá þau.

 

 

 

Athugasemdir

[Jón Þórhallsson, 8.10.2016 kl. 13:27]

Mér líst betur á þennan vef sem að sýnir ástand heimsmála LIVE:

http://atlas.pdc.org/atlas/

[Sumarliði Einar Daðason, 8.10.2016 kl. 15:08]

Ég hef einmitt kynnt mér þessa "upptöku" um sögu eldgosa og jarðhræringar hjá Smithsonian stofnunni. En hún nær svo lítið aftur í tímann til þess að átta sig á því hvað er að gerast.

Þó Jörðin ferðist um geiminn á ógnahraða um geiminn þá er hún að umbreytast mjög hægt. Tæknilega erum við bara litlar flugur stödd á hnetti sem á eftir að valda veseni eftir nokkur milljónir ára.

Það sama gildir auðvita ekki um lofthjúpinn. Það er rauntímavandamál (talið í áratugum).

Það eru nefnilega svo margir sem halda að ef það verður stórt eldgos eða stórir jarðskjálftar að þá sé komið að endalokum. En svo er ekki. Nema þeirra sem eru næst þeim atburðum þegar það gerist.

Þetta er bara hlutir sem við verðum alltaf að gera ráð fyrir. Og haga okkur eftir því. Þess vegna er þetta fag svo heillandi.

[Hrólfur Þ Hraundal, 8.10.2016 kl. 18:50]

Ég er ekki mikill vísindamaður, hvorki í þessu né öðru og finnst því mjög þakkarvert þá þeir sem hafa haft færi á og dug til að afla sér þekkingar, segja okkur frá.

 Löngum hef ég haft áhuga á Atlandshafshryggnum, en fátt fengið að vita síðan á unglingsárum þá ég las að jarðlög útfrá honum væru ýmist með suður eða norðurpólun.

Pólskipti virðast því eiga sér stað nokkuð reglulega. Því spyr ég en krefst ekki endileg  svars,tilgáta gæti alveg dugað að sinni, um það kvenær búast megi við næstu umpólun. 

Ekki væri verra ef tilværi hugmynd um það af hverju umpólun á sér stað sem og hverju hún raski.

Sagt er að kínverjar hafi fundið upp kompásinn, en norænir menn notuðu það sem þeir nemdu leiðarstein á tréplötu fljótandi á vattni eða hangandi í spotta og norður hefur allan þann tíma verið norður. þannig að það er nú ekkert svona dagsdaglega sem pólskipi fara fram   

[Haraldur Sigurðsson, 9.10.2016 kl. 13:58]

Segulsviði jarðar er stjórnað af straumum í kjarna jarðarinnar.  Af einhverjum ástæðum brotna straumarnir niður á árþúsunda millibili, og myndast síðan aftur með nýja stefnu, sem er öfug við hina fyrri.  Síðast gerðist þetta fyrir um 700 þúsund árum.  Ekki er ljóst hvort slík umpólun hefur nein áhrif á lífríki á jörðu.  Sennilega ekki, nema á kompásinn....