Farðu og sjáðu Leviathan

Rússneska kvikmyndin Leviathan eftir Andrei Zvyagintsev er risavaxin ádeila á Rússland í dag.   Siðleysi, ofdrykkja, lág menning, spilling: þetta er allt lagt fram á borðið og alltaf sigrar yfirvaldið í lokin. Myndin gerist í litlu úgerðarþorpi úti á Kola skaga. Stórbrotin náttúra, einangrun, villt landslag, dálítið íslensk stemning, brostin hjónabönd, þar sem samræðurnar far fram við eldhúsborðið. Og vodkadrykkjan! Drottinn minn! Er þetta satt? Ég er smátt og smátt að átta mig á hvað kirkjan hefura aftur náð miklum ítökum í rússneskri menningu og er komin innarlega í valdakerfið. Stóri brandarinn er að myndin var styrkt af Menntamálaráðuneyti Rússlands. Ég efast ekki um, að Pútin mun láta endurskoða þær reglur. Maður er eiginlega í áfalli eftir að hafa séð þessa mynd. Leviathan getur verið stóri hvalurinn, sem liggur djúpt í hafinu en getur farið að bylta sér órólega eins og rússneska þjóðin kann að gera. En Leviathan getur einnig verði dauði hvalurinn, sem er rekinn á land og liggur rotnandi í fjörunni, eins og rússneska þjóðfélagið í dag? Ykkar er valið.

Athugasemdir

[Andrea Þormar (IP-tala skráð) 3.2.2015 kl. 09:19]

Áhugavert og sorglegt í senn.

Hvar er hægt að sjá þessa mynd?

[Haraldur Sigurðsson, 3.2.2015 kl. 12:28]

Hana má skoða á internetinu.

[Sigurður K Hjaltested (IP-tala skráð) 3.2.2015 kl. 21:11]

Mjög góð mynd og mjög mikil ádeila á stjórnvöld

hvar sem er.

Hér má ná í myndina ef þú ert með bittorrent til

að hala henni niður..

http://www.torrenthound.com/hash/5ff484a78e5ac0766f7af7be73076bc5bf157b05/torrent-info/Leviathan-2012-1080p-BrRip-x264--YIFY

[Ásgrímur Hartmannsson, 4.2.2015 kl. 19:02]

Semsagt ekki mikið  byggt á bókinni eftir Hobbes?