Hamagangur í Gunnuhver

Unfanfarna daga hefur virkni umhverfis Gunnuhver á Reykjanesi vaxið mikið. Þessi stóri leirhver er skammt frá Reykjanesvita.  Leirstrókar kastast nú hátt í loft og gufumökkurinn aukist.  Hverinn hefur víkkað og að hluta til gleypt í sig útsýnispallinn, enda hefur aðgengi verið lokað.  Myndin sem fylgir er eftir  Hilmar Braga, tekin fyrir Víkurfréttir.  Gunnuhver er vel lýst í kynningu  ISOR á Reykjanesi hér:

http://www.isor.is/9-gunnuhver-hverasvaedi

Það er athyglisvert að engin skjálftavirkni virðist fylgja þessum breytingum í hvernum.  Ekkir er því ástæða til að halda að kvika sé á hreyfingu  nær yfirborði.  Ef til vill er þessi breyting eingöngu vegna þess að hveravirkni hefur færst til. 

Athugasemdir

[kristinn geir steindórsson briem (IP-tala skráð) 16.9.2014 kl. 09:42]

það verður senilga ekki gos úr þessu en ef gís á reykjanesinu hverjar eru þá líkur á því að loki reykjavík af. er þetað ein eldstöð frá reykjanesi að heingli manni finst þetað vera eithvað svipað og bárðarbúngu þtað gétur varla verið margar eldstöðvar

[Bjarni Már Svavarsson (IP-tala skráð) 16.9.2014 kl. 18:28]

þessi pallur sem sést á myndinni er löngu ónýtur og var honum ekki lokað það er nýr pallur þarna sem var reistur fyrir um 4 árum sem var lokað.

[Dr. Gretar Ívarsson, jarðfræðingur OR (IP-tala skráð) 16.9.2014 kl. 21:54]

Breytingar á yfirborðsvirkni jarðhita nálægt og/eða á vinnslusvæðum jarðhitavirkjana stafar venjulega af vinnslunni sjálfri. Niðurdráttur í jarðhitageyminum vegna vinnslu lækkar þrýstinginn í kerfinu og veldur því að suða færist úr borholum og út í bergið. Veldur það myndun gufupúða, oft á tiltölulega litlu dýpi. Það getur bæði myndað nýtt jarðhitakerfi á yfirborði eða endurlífgað eldri kerfi. Í sambandi við Reykjanesvirkjun þá er niðurdráttur þar meiri en í nokkurri jarðhitavirkjun á Íslandi, eftir því sem ég best veit. Reyndar byrjaði virkni í Gunnuhver og nágrenni strax að aukast í kjölfar þess að Reykjanesvirkjun var gangsett eða svo gott sem. Þá þurfti að loka veginum og færa gönguslóðir og palla. Þetta þekkist einnig á Nesjavöllum en ekki eins áberandi, enda niðurdráttur þar mun minni.

[Gretar Ivarsson (IP-tala skráð) 17.9.2014 kl. 05:12]

Breytingar á yfirborðsvirkni jarðhita nálægt og/eða á vinnslusvæðum jarðhitavirkjana stafar venjulega af vinnslunni sjálfri. Niðurdráttur í jarðhitageyminum vegna vinnslu lækkar þrýstinginn í kerfinu og veldur því að suða færist úr borholum og út í bergið. Veldur það myndun gufupúða, oft á tiltölulega litlu dýpi. Það getur bæði myndað nýtt jarðhitakerfi á yfirborði eða endurlífgað eldri kerfi. Í sambandi við Reykjanesvirkjun þá er niðurdráttur þar meiri en í nokkurri jarðhitavirkjun á Íslandi, eftir því sem ég best veit. Reyndar byrjaði virkni í Gunnuhver og nágrenni strax að aukast í kjölfar þess að Reykjanesvirkjun var gangsett eða svo gott sem. Þá þurfti að loka veginum og færa gönguslóðir og palla. Þetta þekkist einnig á Nesjavöllum en ekki eins áberandi, enda niðurdráttur þar mun minni.