Hverjum var það að kenna að þessar fornminjar glatast?

Í dag lesum við í Fréttablaðinu um að fornminjar hafi glatast við Gufuskála á utanverðu Snæfellsnesi vegna ágangs sjávar. Það er dapurt að frétta af þessum skaða, en er ekki rétt að kanna málið frekar?  Uppgröftur á þessu svæði hefur afhjúpað fornminjar, sem síðan voru skildar eftir óvarnar. Ef aldrei hefði verið ráðist í þessar aðgerðir þá hefðu þessar minjar varðveist í jörðu. Jörðin geymir best. Það er algjörlega á ábygð fornleifafræðinganna að þessar minjar spilltust og fóru í hafið. Ég fór um þetta svæði í haust og furðaði mig á hvernig rústirnar voru skildar eftir, auðar og óvarnar. Skammist ykkar!

Athugasemdir

[Adolf Fridriksson (IP-tala skráð) 23.12.2014 kl. 11:15]

Sæll Haraldur,

Þakka þér fyrir innleggið. Eitt stærsta minjaverndarvandamál hér á landi og víðar er eyðing minja við sjávarsíðuna.

Á vestanverðu landinu er ástandið víða skelfilegt og eina lausnin er að rannsaka þá minjastaði sem eru að hrapa í sjóinn. Það er lítil von til þess að ráðist verði í miklar aðgerðir til að hefta minjaeyðingu með varnargörðum og jafnvel ekki hægt. Það er sorglegt að horfa upp á merkar minjar á borð við gamla bæjarstæði Mela í Melasveit, og nær alla bæjarhóla og verminjar á Akranesi sópast burtu. Kirkjugarðar hafa hlotið sömu örlög, og landbrotið, frá landnámi, er líklega helsta ástæðan fyrir því að engin heiðin kuml hafa fundist eftir allri strandlengjunni frá Hafurbjarnarstöðum á Reykjanesi að Laugarbrekku á Snæfellsnesi. 

Ég átta mig ekki alveg á ábendingu þinni. Áttu við að landbrot yst á Snæfellsnesi sé vegna fornleifarannsókna? Ég held ekki. Barátta fornleifafræðinganna á Gufuskálum hefur verið aðdáunarverð, og ekki ófáir sandpokarnir sem hafa verið bornir í skörðin sem sjórinn hefur hoggið í þennan merka minjastað. Hinsvegar væri það verðugt samstarfsverkefni jarðfræðinga og fornleifafræðinga að skoða samspil landbrots og minjaeyðingar.

Kær kveðja,

Adolf Friðriksson

[FORNLEIFUR, 23.12.2014 kl. 11:15]

http://fornleifur.blog.is/blog/fornleifur/entry/1553088/

[Adolf Friðriksson (IP-tala skráð) 23.12.2014 kl. 15:14]

Sæll Haraldur,

 Þakka þér fyrir innleggið. Eitt stærsta minjaverndarvandamál hér á landi - og reyndar víðar - er eyðing minja við sjávarsíðuna, af völdum náttúrunnar.

 Á vestanverðu landinu er ástandið víða skelfilegt og eina lausnin er að rannsaka þá minjastaði sem eru að hrapa í sjóinn. Það er lítil von til þess að ráðist verði í miklar aðgerðir til að hefta minjaeyðingu með varnargörðum og jafnvel óframkvæmanlegt. Það er sorglegt að horfa upp á merkar minjar á borð við gamla bæjarstæði Mela í Melasveit, og t.a.m. nær alla bæjarhóla og verminjar á Akranesi sópast burtu. Kirkjugarðar hafa hlotið sömu örlög, og landbrotið, frá landnámi, er líklega helsta ástæðan fyrir því að engin heiðin kuml hafa fundist eftir allri strandlengjunni frá Hafurbjarnarstöðum á Reykjanesi að Laugarbrekku á Snæfellsnesi. 

Ég átta mig ekki alveg á kenningu þinni. Áttu við að landbrot yst á Snæfellsnesi sé vegna fornleifarannsókna? Ég held ekki. Barátta fornleifafræðinganna á Gufuskálum hefur verið aðdáunarverð, og ekki ófáir sandpokarnir sem hafa verið bornir í skörðin sem sjórinn hefur hoggið í þennan merka minjastað. Væri það verðugt samstarfsverkefni jarðfræðinga og fornleifafræðinga að skoða samspil landbrots og minjaeyðingar og reyna að bjarga því sem bjargað verður.

 Kær kveðja,

 Adolf Friðriksson

[FORNLEIFUR, 23.12.2014 kl. 16:04]

Hér fornleifur.blog.is/blog/fornleifur/entry/1553088/ og hér:postdoc.blog.is/blog/postdoc/entry/328748/ er greint frá rannsókn sem Adolf Friðriksson skildi eftir óvarða á Vestfjörðum.

Adolf er einn af eigendum Fornleifastofnunar Íslands. Fyrirtæki hans hefur staðið að rannsóknunum að Gufuskálum.

[FORNLEIFUR, 23.12.2014 kl. 18:21]

fornleifur.blog.is/blog/fornleifur/entry/1553088/#comments

Vonandi er hægt að opna þetta nú

[Magnús Þór Hafsteinsson (IP-tala skráð) 23.12.2014 kl. 19:48]

Sælir herramenn.

Lesið gjarnan þessa frétt sem er hér í hlekknum undir, skoðið myndir og fetið ykkur áfram eftir þeim hlekkjum sem eru í textanum.

http://skessuhorn.is/frettir/nr/192385/

[FORNLEIFUR, 24.12.2014 kl. 06:26]

Magnús, ekki eru sandpokarnir margir miðað við veður á Gufuskálmum. Fleiri pokar eru settir upp við Mississippi þegar hækkar í þeim "læk", þótt öldurótið sér þar ekki mikið.

Pokarnir eru svo á sumrin notaðir rannsakendum til varnar frá sandroki.

[Magnús Þór Hafsteinsson (IP-tala skráð) 24.12.2014 kl. 12:19]

Ég fæ ekki séð að það hefði verið hægt að gera neitt til varna gegn þeim ofboðslegu öflum sem þarna voru að verki. Það kom fáheyrt ofsaveður með brimi og flóðum eins og heimamenn hafa greint frá og ljósmyndir sýna. Hið eina sem hefði átt að gera var auðvitað að flýta rannsóknum þarna því það hefur verið vitað lengi að þær eru í kapp við tímann vegna landbrots af völdum sjávar. Svo er sjálfsagt um fleiri staðir með ströndum landsins. Fornleifafræðingarnir sem hafa verið að vinna þarna hafa margoft bent á einmitt þetta og hættuna á að sjórinn tæki þessar minjar í viðtölum við fjölmiðla og víðar. Smá leit á google leiðir það í ljós.

[FORNLEIFUR, 24.12.2014 kl. 12:26]

 Sandpokar eru ekki alltaf til góðs. Sandurinn í þeim frýs og þeir geta orðið eins og sleggjur og gert meiri skaða á fornleifunum en öldurótið.