Jökulsá á Fjöllum

Er það ímyndun hjá mér?  En mér sýnist Jökulsá á Fjöllum, þar sem hún renur hjá Upptyppingum, sýna óvenjulegt rennsli í dag. Ef þið skoðið línuritið sem fylgir (frá Veðurstofu Íslands) þá sjáið þið vel  hina hefðbundnu sveiflu, sem kemur í ána daglega undanfarna sex daga:  toppurinn við Upptyppinga er um kl. 22 eða 23 á kvöldin (ca. 207 til 217 rúmmetrar á sek.), en lágmark rennslis er um kl. 13 til 14 á dagin (ca. 155 til 170 rúmmetrar á sek.).  Síðan í nótt sýnir áin annað mynstur. Toppinum var ekki náð um miðnætti, eins og venjulega, en í staðinn hélst rennsli nokkuð stöðugt allan dag (um 180 til 185 rúmm. sek.), eins og línuritið sýnir.  Á hádegi í dag var áin í 182 rúmm. sek. í staðinn fyrir um 155 til 160 venjulega.  Af einhverjum ástæðum hefur daglega sveiflan truflast.  Er það breytt veðurfar, eða eitthvað annað?  Fylgjumst með...

Athugasemdir

[Ágúst H Bjarnason, 25.8.2014 kl. 19:33]

Getur verið að á vinstri helmingi myndarinnar sé öflug sólbráð að verki, dagarnir voru sólríkir og heiðir, en síðan dró fyrir sólu og fór jafnvel að rigna. Það gæti etv. verið ástæðan fyrir lögun ferilsins lengst til hægri.

[Haraldur Sigurðsson, 25.8.2014 kl. 19:36]

Það kann að vera skýringin.

[Torfi Kristján Stefánsson, 25.8.2014 kl. 20:16]

Já, fór ekki að rigna í gær og í dag?

[Ómar Ragnarsson, 25.8.2014 kl. 21:57]

Klukkan þrjú í fyrradag sá ég að vöxtur var í útföllunum frá vestanverðum Dyngjujökli, sagði frá því í útvarpinu en tók fram aö vissara væri að bíða með ályktanir næsta klukkutímann.

Minnti á það að þegar Grímsvatnahlaupið byrjaði 1996 byrjaði það hægt, en óx með veldishraða.

Stundu síðar gat ég upplýst aö hér væri likast til um sólbráðarvöst að ræða, en að vísu síðdegis, sem er frekar óvenjulegt, því að slíkur vöxtur kemur oftast á morgnana.

Ég tók myndir af þessu og set þær kannski inn á fésbókarsíðu mína síðar í kvöld.

[Eiríkur (IP-tala skráð) 26.8.2014 kl. 15:17]

Sýnist vera svipað munstur á Kreppu, svo væntanlega er það veðurfarið sem skýrir þetta.

[Jamison Turnbull (IP-tala skráð) 28.8.2014 kl. 18:41]

Could it be from the formation of the cracks north of Dyngjujökull, losing water?