Órói vex mikið á Hálsinum

 Nú er einhver hinn mesti órói sem ég hef séð á mælinum sem er á Goðabungu, einkum á tíðninni 1-2 Hz. Sjá línuritið frá Veðurstofunni hér.  Sennilega hefur hraunrennsli aukist í kvöld.

Athugasemdir

[Sindri Karl Sigurðsson, 3.4.2010 kl. 21:45]

Ég hef mikinn áhuga á jarðfræði og því tengdu hvað þýða þessar mælingar á óróa, 1 - 2 Hertz, hvað eiga þau að endurspegla?

Hefur það einhverja tilvísun ef önnur línan fer yfir hina?

[Hlynur Magnússon (IP-tala skráð) 3.4.2010 kl. 21:46]

Sæll Haraldur.

Heldur þú að þetta sé vísbending um að Katla sé að rumska. ?

kv.

Hlynur

[Haraldur Sigurðsson, 3.4.2010 kl. 21:51]

Órói er titringur sem mælist í eldgosum. Hann er talinn orsakast af hreyfingu kvikunnar í gosrásinni, þegar kvikan er á leið sinni upp á yfirborð jarðar.  Það má líkja óróanum við titring í vatnslögnum í húsinu þínu þegar mikið vatn er á ferðinni í pípunum.  Hann er mældur á þremur tíðnum. Tíðnin 1-2 Hz samsvarar titringi til dæmis sem endurtekur sig á 1 til 2 sekúndu fresti.  Titringur er sem sagt mælanlegur, en ég held nú að við skiljum ekki nákvæmlega hvernir hann myndast.  Alla vega er talið að vaxandi titringur geti bent á vaxandi hraunrennsli.  Hjálpar þetta?

[Haraldur Sigurðsson, 3.4.2010 kl. 21:53]

Nei, titringurinn er eingöngu tengdur Fimmvörðuhálsi, og hefur ekkert samband við Kötlu. Það er ENGIN skjálftavirkni undir Kötlu.

[Guðmundur Bjarnason (IP-tala skráð) 4.4.2010 kl. 12:44]

Sæll Haraldur.
Þitt blogg er að verða ómissandi. Var fjári gott fyrir.
Ég bíð ásamt öðrum eftit næstu færslu.

Kveðja

[Sindri Karl Sigurðsson, 4.4.2010 kl. 21:44]

Hreint út þá hjálpaði þetta lítið...

Er að velta fyrir mér mæligröfunum, þar eru þrjú tíðnibil, er lengri sveiflan að gefa eitthvað annað til kynna en sú styttri? Er klár á því að tíðnibilið er ekki stórt en eitthvað hlýtur að hafa legið til grundvallar þegar það var valið.

Ef til að mynda línan fyrir 2 - 4 rið hoppar yfir  1/2 til eitt, eins og gerðist 2. apríl, hefur það einhverja áþreifanlega þýðingu, eða er einfaldlega verið að mæla sama hlutinn á mismunandi vegu?

[Haraldur Sigurðsson, 5.4.2010 kl. 02:32]

Sindri: Nú kann ég ekki að skýra tíðnina frekar.  Við þurfum ráðleggingar jarðskjálftafræðings til að komast á næsta stig.