Ég þakka þér fróðlegar greinar um margvísleg efni.
Faðir minn Gunnar M. Magnús(1898-1988) rithöfundur og skáld, kom víða við í skrifum sínum. Mest var það prósa af ýmsu tagi. Hann var mikill baráttumaður fyrir sjálfstæðri tilveru Íslendinga, gegn ameríska hernum á Íslandi, og hvers kyns landsölu og landafsali. Ég hef verið að skoða gögn, sem hann lét eftir sig, og fann m.a. óbirt ljóð frá árinu 1965, sem hann nefndi Surtsey.
Mér datt í hug að senda þér þetta ljóð, en í safnið þitt um eldfjallalist hef ég ekki séð póesí ennþá.
Ljóðið er svona:
Surtsey
Til vonar og vara skaut ég upp kollinum
á köldum nóvemberdegi,
til þess að veita þér athvarf,
Íslendingur,
- til þess að veita þér athvarf
á flóttanum
þegar þú átt ekkert land
og seldir hafa verið gróandi dalir
og glitrandi ár,
brimhvítir fossar
og firðir bláir,
sindrandi hörpusandar,
silungsvötn, hverir
og skógur í dal,
berjabrekkur
og “blómmóðir besta”
og gróin leiði
Þorsteins og Páls, -
og í grænu laufi gróandi skóga
í golunni þýtur:
Allt eins og blómstrið eina
yfir þeirri þjóð,
sem einu sinni var,
yfir því landi, sem einu sinni var þitt.
Og þegar þú leggur frá landi
á flóttanum
og harmurinn blæs af fjöllum ofar,
og grátur fossins ymur í skörðum,
en þangið í útsoginu
blakar til þín
sem hinstu kveðju,
og þú leggur á sundið
með seinustu ferju
úr Herdísarvík,
þá tek ég þig í faðm mér
og veiti þér athvarf.
Þá skal ég gjósa og gjósa
mjúkum vindléttum vikri
og breiða yfir ykkur voðina
og þögnina
og myrkrið
og gleymskuna.
Ég skal veita ykkur útför
að fornum íslenskum sið, -
grafa ykkur undir vikri og hrauni.
Og eftir þúsund ár
munu þeir grafa í vikurinn
og finna bein af þessari þjóð,
sem einu sinni var, -
og mala úr þeim kalkefni
fyrir börnin,
sem erfðu hið stolta,
selda land.
- Og þá er athvarf mitt þrotið.
10. janúar 1965
P.s. Ég las inn á símsvarann þinn nafn mitt, og sagði í leiðinni, að ég væri gamall skólabróðir úr Gaggó Aust, svo sem satt er, en hefur kannski skotið þér skelk í bringu! Kannski hugsað: Æ,æ, bekkjar-reunion!! En svo er ekki.
Athugasemdir
Sæll Haraldur.
Ég þakka þér fróðlegar greinar um margvísleg efni.
Faðir minn Gunnar M. Magnús(1898-1988) rithöfundur og skáld, kom víða við í skrifum sínum. Mest var það prósa af ýmsu tagi. Hann var mikill baráttumaður fyrir sjálfstæðri tilveru Íslendinga, gegn ameríska hernum á Íslandi, og hvers kyns landsölu og landafsali. Ég hef verið að skoða gögn, sem hann lét eftir sig, og fann m.a. óbirt ljóð frá árinu 1965, sem hann nefndi Surtsey.
Mér datt í hug að senda þér þetta ljóð, en í safnið þitt um eldfjallalist hef ég ekki séð póesí ennþá.
Ljóðið er svona:
Surtsey
Til vonar og vara skaut ég upp kollinum
á köldum nóvemberdegi,
til þess að veita þér athvarf,
Íslendingur,
- til þess að veita þér athvarf
á flóttanum
þegar þú átt ekkert land
og seldir hafa verið gróandi dalir
og glitrandi ár,
brimhvítir fossar
og firðir bláir,
sindrandi hörpusandar,
silungsvötn, hverir
og skógur í dal,
berjabrekkur
og “blómmóðir besta”
og gróin leiði
Þorsteins og Páls, -
og í grænu laufi gróandi skóga
í golunni þýtur:
Allt eins og blómstrið eina
yfir þeirri þjóð,
sem einu sinni var,
yfir því landi, sem einu sinni var þitt.
Og þegar þú leggur frá landi
á flóttanum
og harmurinn blæs af fjöllum ofar,
og grátur fossins ymur í skörðum,
en þangið í útsoginu
blakar til þín
sem hinstu kveðju,
og þú leggur á sundið
með seinustu ferju
úr Herdísarvík,
þá tek ég þig í faðm mér
og veiti þér athvarf.
Þá skal ég gjósa og gjósa
mjúkum vindléttum vikri
og breiða yfir ykkur voðina
og þögnina
og myrkrið
og gleymskuna.
Ég skal veita ykkur útför
að fornum íslenskum sið, -
grafa ykkur undir vikri og hrauni.
Og eftir þúsund ár
munu þeir grafa í vikurinn
og finna bein af þessari þjóð,
sem einu sinni var, -
og mala úr þeim kalkefni
fyrir börnin,
sem erfðu hið stolta,
selda land.
- Og þá er athvarf mitt þrotið.
10. janúar 1965
P.s. Ég las inn á símsvarann þinn nafn mitt, og sagði í leiðinni, að ég væri gamall skólabróðir úr Gaggó Aust, svo sem satt er, en hefur kannski skotið þér skelk í bringu! Kannski hugsað: Æ,æ, bekkjar-reunion!! En svo er ekki.
Kveðjur,
Gunnsteinn Gunnarsson,
Dalbraut 16, 105, Reykjavík.
S. 8992111.
gunnsteinn38@gmail.com
Gunnsteinn Gunnarsson (IP-tala skráð) 8.2.2013 kl. 11:44