Náttúruhamfarir í ríkum og fátækum löndum

1.CostsÞað eru tveir heimar hér á jörðu. Í öðrum þeirra er mikil tækni ríkjandi og næg orka fyrir hendi. Í hinum heiminum, sem er miklu fjölmennari, skortir þessi gæði að mestu.  Náttúruhamfarir hafa gjörólík áhrif á þessa tvo heima.  Nú er talið að skaði vegna jarðskjálftans í Japan sé allt að $300 milljarðar, og að 28 þúsund hafi farist í þessu auðuga landi.  Jarðskjálftinn sem átti upptök sín í Indónesíu árið 2004 orsakaði tjón í fátækum löndum umhverfis allt Indlandshaf  (Indónesia, Sri Lanka, Indía, Taíland, Maldiveyjar) sem nemur $14 milljörðum og meir en 226 þúsund fórust. Það er merkilegt að munurinn á manntjóni og skaða er tífaldur á milli þessara landsvæða, en áhrifin víxlast.  Fyrsta myndin er línurit yfir tjón af völdum náttúruhamfa í milljörðum dollara. Tölurnar lengst til hægri sýna hundraðshlutfall tjónsins sem prósent af þjóðarframleiðslu.  T2.Dauði$akið eftir að jarðskjálftinn árið 2004 kemst ekki á blað!  Löndin sem uðru fyrir áhrifum skjálftans voru einfaldlega of fátæk til að komast á blað.  Sama er að segja um skjálftann í Haíti.  Mynd númer tvö sýnir hlutfallið milli manntjóns á lóðrétta ásnum og efnahaglegs tjóns á lárétta ásnum, í milljörðum dollara.  Skjálftinn í Japan í marz er stóri krossinn, en hann er rétt við hliðina á skjálftanum sem reið yfir San Francisco árið 1906 (24 þúsund fórust, og tjón um $500 milljarðar).   Mikið af því tjóni var vegna eldsvoða í borginni.  Munurinn milli dauðsfalla í ríkum og fátækum löndum er beinlínis tengdur húsagerð.  Hús í Japan eru vönduð og  stóðu sig vel,  en í Haíti hrundu hreysin og fókið grófst í rústunum. 

« Síðasta færsla | Næsta færsla »

Athugasemdir

1 identicon

Það væti gaman að vit hvort gosið sem sem kom upp kringum 933, og sumir láta dett í hug að þetta gos hafi stoppað landnámið um tíma.Hefur þetta verið rannsakað af vísindamönnum.

Albert Ríkarðsson (IP-tala skráð) 5.4.2011 kl. 00:36

2 Smámynd: Haraldur Sigurðsson

Þú munnt eiga við gosið sem myndaði Eldgjá um 934.  Þetta er eitt allra mesta hraungos á Íslandi og hafði mikil áhrif. Því miður eru litlar eða nær engar sögulega heimildir um gosið, en upplýsingar um það má finna í ískjörnum á Grænlandi og í öskulögum og hraunlögum á Íslandi.  Síðasta stórgos af þessu tagi voru Skaftáreldar árið 1783. 

Haraldur Sigurðsson, 5.4.2011 kl. 13:13

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband